ចង់ជ្រាបច្បាស់សូមប្រិយមិត្តទស្សនាវីដេអូ(Video)ខាងក្រោម៖
លោកអនុសេនីយ៍ឯកជា ស្លូញ អធិការនគរបាលស្រុកស្វាយចេក បានឱ្យដឹងថា ជនសង្ស័យឈ្មោះដាន់ ខ្នា ភេទប្រុស អាយុ១៧ នៅភូមិពង្រ ឃុំតាផូ ស្រុកស្វាយចេក ។ ជនសង្ស័យមានប្រពន្ធអាយុ១៦ឆ្នាំ និងមានផ្ទៃពោះ៩ខែ ចំណែកកុមារីរងគ្រោះមានអាយុ១៤ឆ្នាំ ។លោកអធិការបានបន្តថា តាមចម្លើយបំភ្លឺរបស់កុមារីរងគ្រោះនិយាយថា មុនពេលកើតហេតុជនសង្ស័យជាបងថ្លៃបានឌុបនាងយកលុយទៅសងម្ដាយមីង នៅភូមិក្បាលខ្ទីង ឃុំបុស្បូវ ស្រុកព្រះនេត្រព្រះ ។ លុះឌុបដល់ចំណុចខាងលើគេបានឌុបនាងទៅរកកន្លែងស្ងាត់ដែលមានព្រៃដំបូកបាំង បន្ទាប់មកគេបានឈប់ម៉ូតូ ចុះមកចាប់ស្មានាងឱបថើបបំណងចង់រំលោភ តែត្រូវនាងរើបំរះ រួចរត់ទៅរកផ្លូវលំសុំម៉ូតូគេជិះទៅរកផ្ទះម្ដាយមីង ។ បន្ទាប់មកម្ដាយមីងនាងបានរកម៉ូតូឌុបនាងមកផ្ទះ ហើយនិយាយប្រាប់ជីដូនក៏បាននាំគ្នាមកប្ដឹងនគរបាលប៉ុស្ដិ៍រដ្ឋបាលតាផូ ។ លោកអធិការបានបន្តថា បន្ទាប់ពីមានការប្ដឹងបែបនេះក៏ធ្លាយរឿងមួយទៀតគឺប្អូនថ្លៃស្រីម្នាក់អាយុ១១ឆ្នាំ បាននិយាយរឿងដែលបងថ្លៃរបស់នាងឈ្មោះខ្នា ចាប់នាងរំលោភបានសម្រេចចំនួន៣ដង ហើយពេលរំលោភម្ដងៗតែងតែគំរាមនាងមិនឱ្យប្រាប់គេឯងទេ បើឮមាត់មួយទៅមាត់មួយគេនឹងសម្លាប់ចោល ។
ទាក់ទិននឹងករណីនេះស្ត្រីជាប្រពន្ធបាននិយាយថា នាងនឹងសុំធ្វើការលែងលះជាមួយប្ដីកំហូចនេះ និងស្នើសុំឱ្យសមត្ថកិច្ចចាត់ការតាមផ្លូវច្បាប់ចុះ នាងស៊ូទ្រាំក្នុងឆាកជីវិតចិញ្ចឹមកូនដែលជិតសម្រាលនេះតែម្នាក់ឯង ។លោកអធិការបានបញ្ជាក់ថា បន្ទាប់ពីគេធ្វើសកម្មភាពរួច លុយក៏មិនយកទៅសងម្ដាយមីងក្មេកទេ គេបានជិះម៉ូតូគេចខ្លួនមួយយប់ លុះដល់វេលាព្រឹកថ្ងៃទី២៨ កុម្ភៈ ទើបកម្លាំងស្រាវជ្រាវចាប់ខ្លួនបាន បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅស្នងការនគរបាលខេត្តចាត់ការបន្ត ៕
Post a Comment