ចង់ធាត់គួរតែអាន អត្ថបទនេះ

រឿងក្នុងលោកនេះ ពិតជាកំប្លែងណាស់ សំរាប់មនុស្សយើង ។ អ្នកខ្លះចង់ស្គម ខំរិះរកគ្រប់មធ្យោបាយ ដើម្បីសំរកគីឡូ, មិនហ៊ានញាុំច្រើន គេងច្រើននោះទេ ។ ចំណែកអ្នកខ្លះវិញ ចង់ធាត់តែបែរ ជាមិនធាត់ ទោះខំញាុំច្រើនយ៉ាងណាក៏ដោយ ។ ជាការពិតណាស់ ការធាត់ជ្រុល និង ស្គមជ្រុលសុទ្ធតែងជះឥទ្ធិពល ដល់មនុស្សយើង ។ ការធាត់លើសទំងន់ ធ្វើអោយមាន រាងមិនស្អាត ហើយថែមទាំង មានជំងឺផ្សេងៗទៀតផង ។ ចំណែកឯស្គមពេក ក៏មិនស្អាត ព្រោះស្លៀកអ្វីក៏ មិនសម ។ ការស្គមអាចធ្វើអោយមានបញ្ហាមួយចំនួនដូចជា៖ បញ្ហាបេះដូង, ការគ្មានកូន (ដែលចាស់ៗហៅថា អារ), កង្វះជីវជាតិ, ការមានឈាមមិន គ្រប់គ្រាន់, ប្រព័ន្ធការពារសរីរាង្គខ្សោយ, ឧស្សាហ៍ឈឺ ។ មូលហេតុដែល នាំអោយស្គមនោះ អាចបណ្តាលមកពី កាហាត់ប្រាណ សំរកទំងន់ខ្លាំងពេក, រំលងការញាុំអាហារ, តមអាហារ, ស្ថានភាពតានតឹង ក្នុងអារម្មណ៍, កត្តាហ្សែន ជាដើម ។

ថ្ងៃនេះយើងខ្ញុំសូម លើចំនុច ដែលធ្វើអោយ ឡើងគីឡូសំរាប់មនុស្សមួយចំនួនដែល ចង់ឡើងគីឡូ បន្ថែមប៉ុន្មានគីឡូទៀត ។  វិធីមួយចំនួន ដូចខាងក្រោមនេះអាចជួយ អ្នកបាន ៖

១. បន្ថែមជាតិកាឡូរី
ញាុំ អាហារដែល មានជាតិកាឡូរីក្នុងបរិមាណ ៥០០ មីលីក្រាម ជាប្រចាំ ។ ស្តាប់ទៅហាក់បីដូចជា ក្នុងបរិមាណមួយច្រើនណាស់ មែនទេ ? កុំបារម្ភអី, វាមិនធ្វើអោយអ្នក ឈឺ រឺលើសកំរិតទេ ។ ញាុំសូកូឡា ១ បន្ទះធំ រឺ ទឹកដោះគោដែលមាន ជាតិក្រែមក៏អាចជួយបានដែរ ។ អ្នកអាចញាុំស៊ុត ២ គ្រាប់ក្នុង១ ថ្ងៃ ព្រោះស៊ុតពណ៌លឿង មានផ្ទុកបរិមាណជាតិ កាឡូរីកំរិតខ្ពស់ ។

២. ញាុំទឹកផ្លែឈើ
ទឹក ផ្លែឈើ គឺមានកំរិតជាតិ កាឡូរីខ្ពស់ ហើយមានសុវត្ថិភាព ។ ផ្លែប័រ ទំពាងបាយជូ និង ផ្លែទន្លាប់ គឺជាប្រភេទផ្លែឈើ ដែលមានផ្ទុកជាតិថាមពលនៃអាហារ ដែលធ្វើអោយមានសុខភាពល្អ ។

៣. ល្វា និង ទំពាំងជូក្រៀម
- យកផ្លែល្វាក្រៀម ៦ ផ្លែ និង ទំពាំងបាយជូក្រៀម ៣០ ក្រាម ត្រាំទៅក្នុងទឹក (ដាំពុះ តែត្រជាក់) មួយយប់
- ញាុំផ្លែឈើត្រាំនេះ ២ រឺ ៣ ផ្លែក្នុងមួយថ្ងៃ ជារៀងរាល់ថ្ងៃ។

៤. ញាុំស្វាយទុំ
- ញាុំផ្លែស្វាយទុំ យ៉ាងហោចណាស់ ៣ ដងក្នុងថ្ងៃ
- បន្ទាប់មក ផឹកទឹកដោះគោ ១ កែវតាមក្រោយ
- ធ្វើវាអោយបាន ១ ខែ អ្នកនឹងឡើងគីឡូ។