BreakingRead

ការធាត់៦បែប និងរបៀបបញ្ចុះទម្ងន់មកវិញ

តាមវិទ្យាសាស្ត្រ គេបែងចែកការធាត់ជា៦ប្រភេទ អាស្រ័យទៅតាមមូលហេតុផ្សេងៗពីគ្នា។

១- ការធាត់ដោយចំណីអាហារ
ការធាត់របៀបនេះមានច្រើនជាងគេ ហើយវាកើតឡើងដោយសារតែគេញ៉ាំស្ករនិងជាតិខ្លាញ់មិនល្អច្រើនពេក។

ដើម្បីឱ្យស្រកទម្ងន់ចុះស្គមមកវិញ គេត្រូវប្តូរទម្លាប់ហូបចុក ដោយឈប់ញ៉ាំស្ករទាំងស្រុង រួចហាត់ប្រាណផង។

២- ការធាត់ដោយមកដំណើរការខុសប្រក្រតីរបស់ក្រពះ
ក្រពះនឹងមានដំណើរការខុសប្រក្រតីកាលណាគេមានស្ត្រេស ការថប់អារម្មណ៍ ឬការធ្លាក់ទឹកចិត្ត ដែលជាហេតុធ្វើឱ្យឡើងធាត់បានដែរ។ ណាមួយទៀត អ្នកដែលមានជំងឺទាំងអស់នេះក៏ច្រើនតែញ៉ាំស្ករច្រើន ទៀតផងដែរ។

គេត្រូវធ្វើការព្យាបាលស្ត្រេស ការថប់អារម្មណ៍ ឬការធ្លាក់ទឹកចិត្តទាំងអស់នេះជាមុនសិន ជាពិសេសដោយការហាត់ប្រាណ។

៣- ការធាត់ដោយមកពីជាតិស្អិតនៃម្សៅ ហៅថាgluten
ការធាត់បែបនេះច្រើនកើតមានលើស្ត្រីដែលជិតអស់រដូវ និងស្ត្រីដែលរងវិបាកយ៉ូយ៉ូ(Effet yoyo) គឺការដែលខំអត់អាហារឱ្យស្រកទម្ងន់រួចហើយ បែរជាញ៉ាំច្រើនឱ្យធាត់ឡើងវិញ។

វិធីព្យាបាលគឺកុំអង្គុយយូរពេក ឈប់ជក់បារី ឈប់ផឹកស្រា រួចហាត់លើកទម្ងន់។

៤- ការធាត់ដោយមកពីមេតាបូលីស
គឺជាការធាត់ដោយមានខ្លាញ់កកច្រើននៅក្នុងពោះ។ ការធាត់បែបនេះច្រើនកើតមានលើអ្នកដែលផឹកស្រាច្រើន អ្នកដែលមានបញ្ហាផ្លូវចិត្ត ឬអ្នកដែលមានបញ្ហាក្នុងការដកដង្ហើម។

ដើម្បីស្រកទម្ងន់ចុះមកវិញ គេត្រូវឈប់ផឹកស្រា ព្យាបាលជំងឺផ្លូវចិត្ត ឬជំងឺផ្លូវដង្ហើមឱ្យជាសិន។

៥- ការធាត់ដោយមកពីចរន្តឈាមវ៉ែន
ការធាត់នេះគឺជាជំងឺសួពូជមួយ តែក៏អាចកើតមានក្នុងពេលមានគភ៌ផងដែរ ជាពិសេសចំពោះអ្នកដែលមានភ្លៅធំៗ។

ដើម្បីព្យាបាលគេត្រូវធ្វើការហាត់ប្រាណដោយរត់ ឬឡើងចុះជណ្តើរ។

៦- ការធាត់ដោយមកពីមិនធ្វើសកម្មភាព
ការធាត់បែបនេះប៉ះពាល់ខ្លាំងត្រង់កន្លែងនៃរាងកាយដែលត្រូវធ្វើសកម្មភាព ក៏ប៉ុន្តែមិនបានធ្វើទេ។

ដើម្បីចុះស្គមមកវិញ គេត្រូវធ្វើសកម្មភាពឡើង។ ហើយត្រូវប្រយ័ត្ន មិនមែនដោយអត់អាហារនោះទេ៕

វិធីសាស្ត្រយកកូនភ្លោះ (ស្រីទាំងពីរ)

Sovan 1:16 AM Health , Living

ការមានផ្ទៃពោះជាដំណើរនៃការយកចិត្តទុកដាក់បំផុត ហើយអ្វីដែលប៉ះពាល់ដល់សរីរាង្គបន្តពូជអាចបណ្តាលឱ្យពិបាកក្នុងការសន្មត់ និងការមិនអាចមានកូនបាន។

តើវាពិតជាអាចទៅរួចរទេ ដែលស្ត្រីចង់បានកូនភ្លោះពីរដោយមិនចាំបាច់ប្រើវិធីសិប្បនិម្មិតណាមួយ? អ្នកជំនាញជាច្រើនបានប្រាកដប្រជាពីវិធីមួយចំនួនអាចឱ្យមានកូន ភ្លោះស្រីទាំងពីរបានដោយមិនពាក់ព័ន្ធនឹងកត្តាសែនណាមួយ។ មានវិធី ២ ទាក់ទងនឹងការយកកូនភ្លោះ (ស្រីពីរ)។ វិធីទី ១ ធ្វើឱ្យមានកូនភ្លោះពីរ និងវិធីទី ២ ធ្វើឲ្យមានកូនភ្លោះស្រីទាំងពីរ។ ប៉ុន្តែវិធីទាំងនេះអាចនឹងត្រូវមើលថែតាមជំហ៊ាននីមួយៗឱ្យបានល្អ។

កត្តាសែន
ប្រសិនបើតាមសែនរបស់ស្ត្រីម្នាក់បានរៀបចំទុកជាមុន ដោយសារកត្តាតំណរពូជ, ការចង់បានកូនភ្លោះកាន់តែមានភាពងាយស្រួល។ នេះជាពេលដែលស្ត្រីអាចមានកូនភ្លោះច្រើននៅក្នុងគ្រួសាររបស់នាង។ ក្នុងករណីខ្លះ ការមានផ្ទៃជាកូនភ្លោះអាចមានភាគរយខ្ពស់ពីធម្មជាតិ។ អ្វីដែលអ្នកត្រូវធ្វើគឺ អនុវត្តតាមជំហ៊ាននីមួយៗដូចបានលើកឡើងខាងក្រោម ដូច្នេះអ្នកអាចទទួលបានឱកាសច្រើននឹងមានផ្ទៃជាកូនភ្លោះស្រី។

ដំឡូងជ្វា
អ្នកជំនាញជាច្រើនបានណែនាំឱ្យស្ត្រីទទួលទានដំឡូងជ្វា ដើម្បីមានកូនភ្លោះ។ ដំឡូងជ្វាត្រូវបានគេស្រាវជ្រាវឱ្យឃើញថា អាចជួយបង្កើនឱ្យស្ត្រីឆាប់មានផ្ទៃពោះ និងពង្រឹងដំណើរការរបស់អូវុលផងដែរ, ដូច្នេះវាជួយបង្កើនឱកាសនៃការមានកូនភ្លោះ។ ចាប់ផ្តើមទទួលទានដំឡូងជ្វាយ៉ាងហោចណាស់ឱ្យបាន ៣ ខែមុនពេលអ្នកគម្រោងចង់មានផ្ទៃពោះ។ ពេលនោះ វដ្តរបស់អូវុលនឹងល្អប្រសើរបំផុត ហើយរាងកាយនឹងត្រៀមខ្លួនសម្រាប់ការមានផ្ទៃពោះបានសម្រេច។ បន្តទទួលទានដំឡូងជ្វាឱ្យបានច្រើនតាមដែលអ្នកអាចធ្វើបាន រហូតដល់មានផ្ទៃពោះ។ ព្រោះជាការផ្សងសំណាង, កុំមានការរំពឹងទុកខ្លាំងពេក លទ្ធផលក៏អាចធ្វើឱ្យខកចិត្តផងដែរ។

កត្តាទម្ងន់ និងអាយុ
ស្ត្រីដែលធាត់ខ្លាំងនឹងមានការផលិតអ័រម៉ូនខ្លាំងនៅក្នុងខ្លួន ដែលជារឿងល្អទ្វេដង ប្រសិនបើអ្នកចង់បានកូនភ្លោះ។ ប៉ុន្តែការធាត់ខ្លាំងក្នុងពេលចង់មានផ្ទៃពោះក៏មានគុណវិបត្តិផងដែរ។

ស្ត្រីមានអាយុច្រើន
ស្ត្រីអាយុលើ ៣០ឆ្នាំអាចមានឱកាសច្រើននឹងមានកូនភ្លោះ។ អាយុក៏ដើរតួនាទីសំខាន់នៅក្នុងការមានកូនភ្លោះផងដែរ។ ស្ត្រីចាស់មានឱកាសល្អប្រសើរនឹងមានកូនភ្លោះ។ នេះជាហេតុដែលស្ត្រីអាយុលើ ៤០ឆ្នាំអាចមានឱកាសច្រើនបំផុតនឹងមានកូនភ្លោះ។

លក្ខណៈរបស់ទឹកកាម និងអូវុល
ក្នុងគម្រោងចង់មានកូនភ្លោះជាស្រី អ្វីដែលសំខាន់ត្រូវពិនិត្យមើលលក្ខណៈរបស់ទឹកកាមស្ត្រី។ ទឹកកាមស្ត្រីមានទម្ងន់ធ្ងន់, អាចរស់បានយូរជាងទឹកកាមបុរស និងមានចលនាហែលផ្លាស់ទីយឺតជាងទឹកកាមបុរស។ ក្នុងពេលដែលទឹកកាមបុរសអាចហែលបានលឿន និងអាចរស់បានរយៈពេល ២៤ ម៉ោង, ទឹកកាមស្ត្រីអាចរស់បាន ៧២ ម៉ោង។ ដូច្នេះគម្រោងការរួមភេទជាមួយគ្នាត្រូវមានរយៈពេល ២-៣ ថ្ងៃមុនពេលបញ្ចេញអូវុល។ ចំណុចនេះនឹងធ្វើឱ្យទឹកកាមស្ត្រីរង់ចាំឱ្យស៊ុតទុំ ហើយបង្កកំណើត។ ក្នុងពេលដែលទឹកកាមបុរសទាំងអស់បានងាប់អស់ នោះអ្នកនឹងទទួលបានកូនភ្លោះស្រី។

បរិស្ថានជាតិជូរប្រៃ
ទឹកកាមស្ត្រីត្រូវបានគេទទួលស្គាល់ថា អាចរស់បានរយៈពេលយូរនៅក្នុងបរិស្ថានជូរប្រៃ។ ដូច្នេះអាហារជាតិជូរប្រៃសំខាន់បំផុតចំពោះអូវុល, វានឹងជួយឲ្យរាងកាយមានជាតិជូរប្រៃ និងសម្លាប់ទឹកកាមបុរស ដើម្បីបង្កកំណើតបានជាកូនភ្លោះស្រី៕

ជឿថាមាន «ម្រេញគង្វាល និងជំនាងផ្ទះ» ដែរទេ? ជួបជាមួយអ្នកធ្លាប់ មានបទពិសោធន៍ ផ្ទាល់ជាក់ស្តែង

Sovan 12:38 AM Living , News

ភ្នំពេញ៖ ទាក់ទងទៅនឹងរឿងអបិយជំនឿ ដែលមានតាំងពីយូរលង់ណាស់មកហើយនោះ រហូតមកទល់ពេលបច្ចុប្បន្ននេះវិញ ប្រជាជនខ្មែរយើងមួយចំនួនហាក់បីជា មិនសូវមានការចាប់អារម្មណ៍ អើពើច្រើនដូចមុនឡើយ នោះក៏ដោយសារតែបច្ចេកវិទ្យាមានភាពជឿនលឿនខ្លាំងគួរឲ្យកត់សម្គាល់ ដែលធ្វើឲ្យទស្សនៈរបស់ប្រជាជនខ្មែរយើងមួយចំនួន មានការប្តូរផ្លាស់យល់ឃើញថា រាល់អបិយជំនឿខ្មែរមួយចំនួន គ្រាន់តែជាការលើកឡើងបោកប្រាស់ ឬកាឡៃតែប៉ុណ្ណោះ រហូតមកទល់ពេលនេះ ប្រពៃណីទំនៀមទំលាប់ ឬអបិយជំនឿខ្មែរយើងមួយចំនួន បានបាត់បង់ ស្ទើរតែបន្តិចម្តងៗផងដែរ។

យ៉ាងណាមិញ ជាមួយប្រជាជនខ្មែរយើង មួយចំនួនដែលធ្លាប់មានបទពិសោធន៍ បានដឹងបានលឺ ឬធ្លាប់ជួបប្រទះ ទាក់ទងទៅនឹងរឿង «ម្រេញគង្វាល និងជំនាងផ្ទះ» ដើម្បីចែកជូនប្រិយមិត្ត មិត្តអ្នកអានបានជ្រាបផងដែរ ថាតើវាពិតជាមានពិតមែន ហើយគួរជឿ ឬមិនគួរជឿ...!

បើតាមការឲ្យដឹងពីព្រះតេជគុណព្រះនាម ឯក សំ គង់នៅវត្ត តាខ្មៅ ក្រុងតាខ្មៅ បច្ចុប្បន្នព្រះតេជគុណក៏ជាសមណនិស្សិតនៅ សាកលវិទ្យាល័យមួយកន្លែង ក្នុងរាជធានីភ្នំពេញ បានផ្តល់កិច្ចសម្ភាសន៍ ថា៖ «...ទាក់ទងទៅនឹងទំនៀមទំលាប់ អបិយជំនឿ ម្រេញគង្វាលនិងជំនាងផ្ទះនេះ បើតាមប្រវត្តិដែលអាត្មាបានយល់ដឹង ហើយបានអានដែលមាន ដូចជានៅក្នុងសៀវភៅ ទំនៀមទំលាប់ខ្មែរកន្លងមក ម្រេញគង្វាលនេះ ពីមុនគឺជាប្រភេទខ្មោចព្រៃមួយប្រភេទ ថែរក្សាហ្វូងសត្វដំរី ហើយក្រោយមកក៏ក្លាយជាអ្នកថែរក្សានៅក្នុងផ្ទះទៅវិញ ឯជំនាងផ្ទះគឺជាសភាវៈទេវតា ដែលជួយតាមថែរក្សា ផ្ទះសំបែង ទ្រព្យធននៅក្នុងផ្ទះរបស់យើង មិនខុសគ្នាពីម្រេញគង្វាលឡើយ។ ហើយបើនៅតាមជនបទវិញ ម្រេញគង្វាល និងជំនាងផ្ទះនេះដែរ ភាគច្រើនគឺគេហៅតែមួយហ្នឹង ព្រោះមានស្រុកខ្លះម្រេញគង្វាលក៏ហៅថា ជំនាងផ្ទះ ឯជំនាងផ្ទះក៏ហៅថាជាម្រេញគង្វាលដែរ» ។

ព្រះតេជគុណ មានសង្ឃដីកាបន្ថែមទៀតថា «...ក្រោយមកបុរសជាប្តីយូរៗ ក៏បានមកលេងផ្ទះហ្នឹងម្តង ឯប្រពន្ធវិញក៏ដូចគ្នាដែរ ប៉ុន្តែនៅពេលដែលគាត់បានបោះបង់ផ្ទះនោះ ទុកចោលអស់រយៈពេលជាង ៣ទៅ៤ខែនោះហើយ ជាហេតុធ្វើឲ្យពពួកទេវតា ឬផ្លូវងងឹតអស់នោះឯង គេមកនៅ។ រហូតពេលដែលប្តីប្រពន្ធពីរនាក់ហ្នឹង មកសម្រាកនៅផ្ទះរបស់គាត់វិញនោះ គឺពពួកសភាវៈ ឬផ្លូវងងឹតអស់ហ្នឹងហើយគេមកធ្វើបាប។ ដោយសារអី ដោយសារតែគាត់អត់បាន បោសសម្អាតនៅក្នុងផ្ទះហ្នឹង ដល់តែពេលចឹងទៅ ធ្វើឲ្យពីរនាក់ប្តីប្រពន្ធហ្នឹងភ័យខ្លាច ហើយក៏គិតថាប្រហែលជាមានខ្មោច មានអីចឹងទៅ ហើយពួកគាត់ក៏បានសម្រេចចិត្តលក់ផ្ទះហ្នឹង»។
«...ដល់តែពេលម្ចាស់ផ្ទះថ្មី ដែលគេបានទិញផ្ទះពី ពីរនាក់ប្តីប្រពន្ធនោះហើយ ម្ចាស់ផ្ទះថ្មីហ្នឹងគេដឹងពីបញ្ហាអបិយជំនឿអស់ហ្នឹង ហើយគេក៏បានបោសសម្អាតផ្ទះយ៉ាងស្អាតបាត ហើយមានរៀបចំជាទីកន្លែងមួយសម្រាប់ដាក់ សែនសំណែន មានដូចជាទឹក មានកម្រង មានផ្លែឈើ ចំណីអាហារជាដើម សម្រាប់សែនព្រេនដល់ពពួកទេវតាអស់ហ្នឹង។ ក្រោយពីពពួកទេវតាអស់នោះ បានមកទទួលសំណែនហើយ ក៏ឲ្យពរឲ្យជ័យ តាមថែរក្សាម្ចាស់ផ្ទះថ្មីហ្នឹងទៅ ហើយរឿងរ៉ាវវាមានតែប៉ុណ្ណឹង ព្រោះនេះគ្រាន់តែជារឿងដំណាលមួយ ដែលអាត្មាបានដឹងតែប៉ុណ្ណោះ» ។

ទន្ទឹមនឹងនោះផងដែរ អ្នកមីង សុផល វ័យ៣៧ឆ្នាំ ជាស្រ្តីមេផ្ទះមួយរូប ក៏បានប្រាប់ឲ្យដឹងដែរថា រូបគាត់ពិតជាជឿជាក់ថា មានម្រេញគង្វាល និងជំនាងផ្ទះយ៉ាងពិតប្រាកដមែន។ អ្នកមីងនិយាយថា៖ «រឿងម្រេញគង្វាល ឬជំនាងផ្ទះនេះមីងជឿថាមានមែន ព្រោះវាមានជំនឿតាំងពីបរមបុរាណមកម៉្លេះ គេជាអ្នកតាមជួយថែរក្សាផ្ទះសំបែង ក៏ដូចជាទ្រព្យធនរបស់យើងនៅក្នុងផ្ទះ។ ប៉ុន្តែគ្រាន់តែថា ខាងពពួកផ្លូវងងឹតអស់នេះ មិនដែលឲ្យមីងឃើញលក្ខណៈភ្នែកស្រស់ៗអីនោះទេ ឃើញតែក្នុងយល់សប្តិ ណាមួយបើនិយាយមែនទែនទៅ គេកម្រឲ្យយើងឃើញណាស់» ។

អ្នកមីង សុផល បន្តថា «...បើនិយាយពី ក្មេងៗម្រេញគង្វាលវិញ មីងធ្លាប់តែឃើញនៅក្នុងយល់សប្តិ ឃើញនាំគ្នាអង្គុយលេងជុំៗពេញមុខផ្ទះមីង ហើយក្មេងៗខ្លះមានស្លៀកពាក់ខោអាវ សាមញ្ញធម្មតា ឯក្មេងខ្លះទៀតគ្មានស្លៀកពាក់ខោអាវអីទេ ដល់តែពេលពួកវានាំគ្នាលេងហត់ រត់មកប្រាប់មីងថា ពួកវាឃ្លានណាស់ ចង់ស៊ីនំអាកោ ហើយពួកក្មេងៗម្រេញគង្វាលអស់នោះថាឲ្យមីង ថាមិនដែលដាក់ឲ្យពួកវាស៊ីទេ ដាក់តែស្ករគ្រាប់។ ទើបឥលូវឲ្យតែថ្ងៃសីលឡើង ជួនកាលមីងទិញនំអាកោដាក់ឲ្យ ជួនដាក់ស្ករគ្រាប់សែនឲ្យពួកវាដែរទៅ»។

អ្នកមីងបានបន្ថែមទៀតថា «...មិនដឹងយ៉ាងម៉េច បើជំនាងផ្ទះមីងវិញកាចណាស់ ពីមុនបើអ្នកចម្លែកមុខ ចូលមកគេងពេលយប់អីចឹង ដឹងតែទក់សាច់ម៉ង។ ជួនកាលចាប់ទាញជើងមិនឲ្យគេដេកកើតទេ រហូតមានអ្នកខ្លះត្រូវជំនាងផ្ទះ ផ្ទះមីងចាប់អុកក្បាលទៅនឹងជញ្ជាំងក៏មានដែរ តែក្រោយមកមីងចេះតែអុជធូបនិយាយបែរបន់ខ្លះ អីខ្លះ ចឹងទៅ ទើបរាងស្ងាត់លែងអីវិញ» ។

យ៉ាងណាមិញ នេះគ្រាន់តែការលើកឡើងមួយ ទាក់ទងទៅនឹងជំនឿ និងបទពិសោធន៍ខ្លះៗ របស់បងប្អូនខ្មែរយើងមួយចំនួន ធ្លាប់បានដឹង ធ្លាប់ជួបប្រទះតែប៉ុណ្ណោះ។ ដោយឡែកសម្រាប់ការយល់ឃើញយ៉ាងណានោះ គឺអាស្រ័យទៅលើ ទស្សនៈរបស់ប្រិយមិត្តតែប៉ុណ្ណោះ ថាតើគួរជឿ ឬគួរមិនជឿ ហើយវាពិតជាមានពិតនៅលើលោកយើងនេះ ឬយ៉ាងណា។ ជាចុងក្រោយ សូមអរគុណយ៉ាងជ្រាលជ្រៅបំផុត សម្រាប់ការគាំទ្រ និងចូលចិត្តអានរាល់អត្តបទដែលក្រុមការងារយើងខ្ញុំ បានសរសេរនិងរៀបចំឡើង។ សង្ឃឹមថាប្រិយមិត្តនឹងនៅតែបន្តការគាំទ្រ និងលើកទឹកចិត្តដល់យើងខ្ញុំ។ ជូនពរសំណាងល្អ សុខភាពល្អគ្រប់ទិវារាត្រី!

យុវជនម្នាក់ជានិស្សិតឆ្នាំទី៣

Sovan 11:19 PM News

យុវជនម្នាក់ជានិស្សិតឆ្នាំទី៣ ផ្នែកអក្សរសាស្ត្រអង់គ្លេស នៃសាកលវិទ្យាល័យ..... បានស្គាល់គ្នាជាមួយ នាងក្រមុំម្នាក់តាមបណ្ដាញសង្គម Facebook ហើយបានទំនាក់ទំនងស្នេហាចិត្តនិងចិត្ត រហូតឈានដល់លួងលោមនាងឲ្យដើរលេងច្រៀងខារ៉ាអូខេជាមួយគ្នា។

បន្ទាប់ពីនាងទុកចិត្ត ព្រមដើរលេងជាមួយហើយ ជននោះបាន លួចដាក់ថ្នាំសំណ្ដំនៅក្នុងភេសជ្ជៈ ឲ្យនាងផឹករហូតសន្លប់លែងដឹងខ្លួន រួចបានធ្វើសកម្មភាពចាប់រំលោភសេពសន្ថវៈ រហូតបានសម្រេចតាមបំណង ។ មិនតែប៉ុណ្ណោះ ជននេះបានថត Video ក្នុងពេលកំពុ រំលោភនាងទុកថែមទៀតផង ចំណែកនាងរងគ្រោះក្រោយពេលដឹងខ្លួនឡើងវិញមិនបា នៅស្ងៀមឡើយ បានប្ដឹងប៉ូលិសក្រសួងមហាផ្ទៃឲ្យជួយចាត់ការទៅលើជននោះ តាមផ្លូវច្បាប់ ប៉ុន្តែប៉ូលិសមិនទាន់បាន ចាប់ខ្លួនផង ជននោះក៏បានធ្វើដំណើរទៅកាន់ផ្ទះនារីរងគ្រោះ ហើយបានបង្ខំរួមរ័ក្សជាមួយនាងម្ដងទៀត ប៉ុន្តែនាងមិនព្រម ។

ពេលនាងបដិសេធ ជននោះបាន គំរាមបង្ហោះ វីដេអូសកម្មភាព ដែលខ្លួនរំលោភនាងនោះ នៅក្នុងបណ្ដាញសង្គម Facebook ឲ្យនាងខ្មាសគេ ពេញពិភពលោក តែត្រូវបាននាងប្ដឹងប៉ូលិស ប៉ុស្ដិ៍ចោមចៅសហការជាមួយប៉ូលិស ក្រសួងមហាផ្ទៃ ចុះចាប់ខ្លួនតែម្ដង។ ទាក់ទិននឹង ហេតុការណ៍នោះ ប៉ូលិសមិនបានប្រាប់ឲ្យដឹងថា ជនសង្ស័យខាងលើ នាំនារីរងគ្រោះ ទៅធ្វើសកម្មភាពដាក់ថ្នាំសណ្ដំ រំលោភនៅពេលណា និងនៅកន្លែងណាឡើយ គ្រាន់តែបង្ហើបថា ធ្វើសកម្មភាពកាលពីពេលថ្មីៗនេះ នៅក្នុងខារ៉ាអូខេមួយកន្លែង ស្ថិតនៅក្នុងរាជធានីភ្នំពេញ។